Чтимый образ Богородицы «Взыскание погибших»

Икона Божией Матери «Взыскание Погибших» – почитаемая икона нашего храма.

Каждый четверг в 17:00 перед иконой служится молебен с акафистом.

К этой иконе обращаются с молитвой о всех погибающих, заблудших и скорбящих. 

Русский народ свято верит во всесильную помощь Пресвятой Богородицы. Среди множества икон Божией Матери есть икона, именуемая "Взыскание погибших", чтимая как последнее Прибежище, последняя Надежда погибающих людей. Празднование в честь этой иконы происходит 18 февраля в Новомосковском Свято-Успенском мужском монастыре по случаю имеющегося там чудотворного образа Пресвятой Богородицы.
Праздник иконы Божией Матери "Взыскание погибших" , 5/18 февраля, был и остается одним из самых любимых народом. Исторические свидетельства, дошедшие до наших дней, говорят, что к этой иконе обращались невесты, выходя замуж, с молитвой о том, чтобы брак был благодатным; приходили к ней люди с мольбой об освобождении от пороков, страждущие в болезнях, а также матери с ходатайством о погибающих детях. И всем Царица Небесная ниспосылает помощь и заступление.

Тропарь иконе «Взыскание погибших»

Взыщи нас погибающих, Пресвятая Дево, не по грехом бо нашим наказуеши нас, но по человеколюбию милуеши: избави нас от ада, болезни и нужды и спаси нас.

Молитвы к Пресвятой Богородице перед иконами

"Взыскание погибших" и "Всех скорбящих радосте"

Молитва первая

О Пресвятая и Преблагословенная Дево, Владычице Богородице! Призри милостивным Твоим оком на нас, предстоящих пред святою иконою Твоею и со умилением молящихся Тебе; воздвигни нас из глубины греховныя, просвети ум наш, омраченный страстьми, и уврачуй язвы душ и телес наших. Не имамы иныя помощи, не имамы иныя надежды, разве Тебе, Владычице. Ты веси вся немощи и согрешения наша, к Тебе прибегаем и вопием: не остави нас Твоею Небесною помощию, но предстани нам присно и Твоим неизреченным милосердием и щедротами спаси и помилуй нас, погибающих. Даруй нам исправление греховныя жизни нашея и избави нас от скорбей, бед и болезней, от внезапныя смерти, ада и вечныя муки. Ты бо, Царице и Владычице, Скорая Помощница и Заступница еси всем притекающим к Тебе и крепкое прибежище грешников кающихся. Подаждь убо нам, Преблагая и Всенепорочная Дево, христианский конец жития нашего мирен и непостыден и сподоби нас Твоим ходатайством вселитися в Обителях Небесных, идеже непрестанный глас празднующих радостию славит Пресвятую Троицу, Отца и Сына и Святаго Духа, ныне и присно, и во веки веков. Аминь. 

Молитва вторая

Заступнице Усердная, Благоутробная Господа Мати, к Тебе прибегаю аз, окаянный и паче всех человек грешнейший; вонми гласу моления моего, вопль мой и стенание услыши. Яко беззакония моя превзыдоша главу мою, и аз, якоже корабль в пучине, погружаюся в море грехов моих. Но Ты, Всеблагая и Милосердная Владычице, не презри мене, отчаяннаго и во гресех погибающаго; помилуй мя, кающагося в злых делех моих, и обрати на путь правый заблудшую окаянную душу мою. На Тебе, Владычице моя, Богородице, возлагаю все упование мое. Ты, Мати Божия, сохрани и соблюди мя под кровом Твоим, ныне и присно и во веки веков. Аминь. 

Молитва третья

О Пресвятая Владычице и Богородице, Высшая Херувим и Честнейшая Серафим, Богоизбранная Отроковице, погибших Взыскание и всех скорбящих Радосте! Подаждь утешение и нам, в погибели и скорби сущим; разве бо Тебе иного прибежища и помощи не имамы. Ты едина еси радости нашея Ходатаица, и яко Матерь Божия и Мати милосердия, предстоящи у Престола Пресвятыя Троицы, можеши нам помощи, никтоже бо притекаяй к Тебе посрамлен отходит. Услыши убо и нас ныне в день погибели и печали пред Твоею иконою припадающих и со слезами Тебе молящихся: отжени от нас належащия на нас скорби и беды в сей временней жизни, не лишены же сотвори Твоим всесильным ходатайством и вечныя нескончаемая радости в Царствии Сына и Бога нашего. Аминь.